वेळ सकाळचे सहा साडेसहा , नवरा ‘जिम’ ला जायची तैयारी करुन मोठ्या प्रेमाने बायकोला उठवायला जातो, आज पासुन तीही ‘जिम’ ला येणार असते आणि मग सुरु झाला हा प्रेमळ (?) संवाद!
“ डार्लिंग, चल उठतेस ना , आपल्याला जिम ला जायचयं ”
“असे आडवळणाने सुचवण्यापेक्षा सरळ सरळ म्हण ना ‘लठ्ठ झालीस तू ”
“पण व्यायाम आरोग्याला चांगलाच असतो ना?”
“म्हणजे मी रोगी आहे, बाई गं , आज रोगी म्हणालास , उद्या वेडी ठरवून मोकळा होशील?”
“अगं तसे नाही.. जाऊ दे, नसेल तुला उठायचं तर राहु दे. झोप तु .”
“म्हणजे मी आळशी आहे , लोळत पडलेले असते असेच ना?”
“अग मला तसे काही म्हणायचे नव्हते , तुला समजले नाही”
“ मला समजत नाही ? म्हण, म्हण मला बुद्दू म्हण , मुर्ख म्हण..”
“पण मी तुला असे म्हणालो का?”
“मग मी काय खोटे बोलतेय?”
“माझे आई, उगाच ताणू नकोस.”
“झालं म्हणजे नेहमी प्रमाणे मलाच भांडकुदळ ठरवून मोकळा झालास”
“ओक्के, नको येऊस , मी एकटाच जातो जिमला..”
“ एकटाच जा , कुठ्ठे कुठ्ठे नेऊ नकोस मला . एकटाच मज्जा मार , मी गरीब बिच्चारी बायको राबत्ये आपली घरात ..”
“जाऊ दे , आता माझा ही मुड गेला, मी पण जात नाही जिम ला”
“तुलाच मुळात जायच नव्हते , न जायला काही तरी निमित्त पाहातच होतास , माझ्यावर खापर फोडून मोकळा झालास”
“माझे डोके गरगरायला लागलं..”
“कळतात बरे का ही नाटकं, म्हणे डोके गरगरते , जरा कुठे काही झालं की लागलं याचे डोके गरगरायला, इकडे मी मेले तरी तुला काय त्याचे काही नाही?”
“माझे आई आता गप्प बसायला काय घेशील?”
“बाई बाई बाई , काय हा कांगावा , आपण खोडी काढायची आणि वर मलाच गप्प बस म्हणायचे”
“बरं , मी गप्प बसतो..”
“ वा रे वा आधी आपण भांडण उकरुन काढायचे आणि अंगाशी आले की गप्प बसायचे नाटक !”
“बरं बाई , माझे चुकले मग तर झालं….”
“बघा बघा , कसा साळसुद पणाने माझी समजुत काढतोय , जसे काही मीच याला त्रास दिला”
”………”
” का का आता का दातखिळ बसली, बोल की आता , मी गरीब गाय सापडलेय ना तुझ्या तावडीत , घे बोलून वाट्टेल ते ”
…………….
(फार पूर्वी हा किस्सा मला ईमेल फॉरवर्ड मधून प्राप्त झाला होता , मूळ किस्सा इंग्रजीतुन होता मी त्याचे सुबोध मराठीत भाषांतर केले आहे. मूळ लेखक कोण आहे ते माहीती नाही पण त्या अज्ञात लेखाकाचे मन:पूर्वक आभार!)
शुभं भवतु
- ‘जन्मवेळ खातरजमा पद्धती’ - June 22, 2018
- खेळ मोडला ! भाग – २ - June 12, 2018
- खेळ मोडला ! भाग – १ - June 9, 2018
- कोणी तरी अशी पटापट .. - May 31, 2018
- जातकाचा प्रतिसाद – २८ - May 19, 2018
- काटा रुते कुणाला .. किस्सा – ३ - March 27, 2018
- काटा रुते कुणाला .. किस्सा – २ - March 26, 2018
- काटा रुते कुणाला .. किस्सा – १ - March 25, 2018
- जय खतंजली ! - March 24, 2018
- बळीचा बकरा भाग – ३ - March 23, 2018
